hongkonghomebrew | Gel 頭產品成份你要知！

唔想Gel 頭Gel 到變禿頭？ Gel 頭產品成份你要知！

Hair Wax (髮蠟)、Clay (髮泥)、Pomade (髮油)甚至乎Hair Spray (噴髮膠)等呢啲名字相信對一眾會Gel 頭嘅男士一定唔會陌生，但係呢啲產品入面嘅成份你又認識幾多呢？今日就同大家解構一下有關頭髮造型產品成份嘅一啲疑問，等大家之後都識得點揀隻既啱用又健康嘅造型產品喇！

有朋友話坊間有啲髮泥或者髮蠟都用咗好多種天然材料去製造，咁係咪包含得越多種天然材料就係對頭髮越健康？

大家可以想像一下，一罐標準容量嘅髮泥或者髮蠟大概係4安士(~114克)，114克裏面水佔嘅份量係一半以上，即係話剩返大概50克左右係各種天然材料，如果有一款髮型用品話有10種天然材料，每種都對頭髮有唔同好處，咁平均每種天然材料只係佔大概5克，而你每次用都只係用一節手指頭咁多嘅份量，咁你自己計下到底有幾多天然材料嘅養份真係可以提供到俾啲頭髮同頭皮呢.....

貴精不貴多:

其實真正需要留意嘅係成份表中頭3個成份，一般頭3個成份已經佔咗一罐造型產品9成咁上不嘅份量，質量好嘅產品通常只會選用3-5種有機天然材料為主要成份，而每一種材料都係有足夠份量而且可以有效咁發揮到材料本身嘅獨特性，咁無論係造型上又或者係頭髮嘅健康上，用家先可以真正感受到天然材料帶比佢哋嘅好處！

天然材料嘅好處:

BEESWAX

保留咗濃郁甘香嘅天然蜂蜜香味同金黃色澤，可以係頭髮上形成天然保護層，阻隔有害物質接觸頭髮，同時防止頭髮水份流失並發揮滋潤作用，防止頭髮變得乾燥，保持柔軟潤滑。

JOJOBA OIL

荷荷巴油係植物性液態蠟，同皮膚天然皮脂非常接近，含豐富Vitamin E及Vitamin B雜，有效修補受損害嘅頭皮丶頭髮，並可預防頭屑及脫髮。

LANOLIN OIL

由綿羊羊毛提取嘅高純度油脂成份，係綿羊用作保護羊毛嘅天然保護層，與人體皮脂成份非常接近，可以深層滋潤頭髮，增加表皮屏障，幫助鎖水保濕，更有效預防開叉及折斷。

KAOLIN CLAY

含多種礦物質嘅黏土，吸附能力極佳，可以將毛孔內嘅油脂污垢吸出，從而淨化頭皮，去除老化角質層並同時補充頭皮所需礦物質。

BENTONITE CLAY

另一種含多種礦物質嘅黏土，同水混合之後就產生磁鐵一般嘅吸引力，將頭皮積聚嘅毒素等有害物質吸附，幫助頭皮排毒及淨化，同時補充頭皮嘅礦物質及加強細胞氧氣含量。

SEA SALT

所含的蛋白質分解酵素能軟化老舊角質，主要可以令扁塌的髮絲回復挺身。

SUGARCANE

維生素和礦物質，有利於人體的酸鹼平衡、新陳代謝，令髮根保持支撐性。

VITAMIN E OIL

天然的抗氧化劑及營養素，可防止皮膚細胞被氧化，另外亦提供防熱保護的功效，保護頭髮免受風筒熱力損害。

值得留意：
長期使用含VP/VA Copolymer、PVP、EDTA或Fragrance 嘅造型產品其實都會對頭髮同頭皮嘅健康造成唔同程度嘅負荷同損害，要識得揀真正健康嘅造型產品除咗要留意「天然」或者「有機」呢啲字眼外，最好都係選用Paraben Free、Petrolatum Free、EDTA Free、Artificial Colorants、Drying Alcohol Free同Fragrance Free 嘅產品喇！